Flamengo hyn në histori; mposht Palmeirasin dhe fiton Kupën Libertadores për herë të katërt

Flamengo shkruan një tjetër faqe të historisë së futbollit amerikanolatin. Klubi i Rio De Janeiros fitoi Kupën Libertadores për herë të katërt në historinë e tij pasi mundi në një finale të gjithën braziliane, Palmeirasin me rezultatin 1-0, një ndeshje që u luajt në Stadio Monumental të Limës në Peru.
Me këtë sukses, Flamengo bëhet i pari klub brazilian që fiton 4 herë Kupën Libertadores, që është ekuivalentja e Ligës së Kampioneve në Evropë. Ai që vendosi fatin e kësaj finaleje, ishte një njohje e vjetër e Juventusit, Danilo që shënoi golin e fitores për Flamengon në minutën 67.

Mbrojtësi, me një gjuajtje me kokë në zonë pas një goditje këndi, dërgoi topin në rrjetë duke i dhuruar fitoren skuadrës së tij. Për më tepër vetë Danilo me këtë trofe vendos një rekord pasi bëhet i pari futbollist që ka fituar 2 Liga Kampionesh( 2016 dhe 2017 me Realin e Madridit) dhe 2 Kupa Libertadores(2011 me Santos dhe 2025 me Flamengo).

MARKETING