Fidan: Turqia është vendimtare për paqen në Ukrainë dhe rindërtimin e sigurisë së Evropës

Ministri i Jashtëm turk Hakan Fidan e cilësoi si shumë të rëndësishëm samitin e sigurisë të mbajtur të dielën në Londër, duke theksuar rëndësinë e kontributit të Türkiyes në marrëveshjen e paqes në Ukrainë.

“Në të vërtetë, samiti i sotëm ishte i rëndësishëm. Ishte një samit ku morën pjesë 17 vende, Bashkimi Evropian dhe Kanadaja. Të pranishëm ishin vendet e Bashkimit Evropian dhe NATO-s. Të gjitha vendet përveç ShBA-së ishin këtu”, tha Fidan pas samitit.

Ai tha se “brenda Bashkimit Evropian janë shfaqur perspektiva të ndryshme në dritën e qëndrimit të marrë nga ShBA-ja në javët e fundit”, duke theksuar se ato janë diskutuar gjatë takimit.

Fidan theksoi gjithashtu rëndësinë e kontributit të Turqisë për “një marrëveshje të mundshme paqeje në Ukrainë dhe rindërtimin e arkitekturës evropiane të sigurisë”.

Ai gjithashtu vuri në dukje se takimet e ardhshme janë planifikuar të mbahen më shpesh, “ndoshta çdo dy ose tri javë”.

MARKETING