FFM ia vazhdon kontratën Bllagoja Milevskit
Bllagoja Milevski do të vazhdojë të mbetet seleksionues i përfaqësueses A të Maqedonisë së Veriut edhe në të ardhmen. Federata e futbollit të Maqedonisë sot përmes një komunikate ka njoftuar vendimin e marrë nga Këshilli Drejtues për rinovimin e kontratës së Milevskit.
“FFM ashtu si edhe më parë, do të jetë përkrahje e plotë për seleksionuesin Bllagoja Milevski dhe për ekipin përfaqësues. Presim sfida dhe suksese të reja. Jemi thellësisht të bindur se me pasion dhe ambicie të madhe, seleksionuesi dhe ekipi i tij do të vazhdojnë të punojnë për përparimin e futbollit të Maqedonisë. Muajt e fundit dhe ndeshjet e zhvilluara nga përfaqësuesja A e Maqedonisë kanë konfirmuar se jemi në rrugën e duhur së bashku. Ekipi ndjen energji dhe ambicie për rezultate të reja e të mëdha dhe kemi besim se ky është një motiv për punën në të ardhmen”, thuhet në qëndrimin e Këshillit Drejtues të FFM-së.
Bobi Milevski do të udhëheq përfaqësuesen e vendit në edicionin e ri të Ligës së Kombeve, ndërsa do të ketë kontratë deri në vitin 2026 ku janë edhe eliminatoret për Kampionatin Botëror.
MARKETING
