FC Shkupi sjell në Çair lojtarin që ka luajtur për Evertonin në Premier Ligë

FC Shkupi ka sjellë një emër me karrierë të bujshme në repartin e sulmit. 35-vjeçari Magaye Gueye është lojtari më i ri i skuadrës nga Çairi, ka bërë të ditur klubi.

Bëhet fjalë për një emër të njohur që në të kaluarën ka luajtur në Premier Ligën angleze dhe në Ligue 1 të Francës. Gueye ishte pjesë e Evertonit në Premier Ligë nga viti 2010 deri më 2014, e më pas u transferua te Millwall në Championship.

Karrierën e nisi te Strasbourgu në Francë, ndërsa ka qenë pjesë edhe e skuadrave si Brest, Adanaspor, Osmanlispor, Qarabag, Dinamo București. Problemi i vetëm i Gueye është se nga viti 2022 ka qenë pa klub.

Magaye Gueye ka 24 paraqitje në Premier Ligën angleze, ndërsa përvojën më të madhe e ka në Turqi, ku në 77 ndeshje ka shënuar 25 gola.

MARKETING