Exit poll-et e nxjerrin fituese, Le Pen: Blloku makronist ka mbaruar

Kryetarja e Tubimit Kombëtar të ekstremit të djathtë, Marine Le Pen, bëri deklaratat e para pas shpalljes së parë të exit poll-eve të para, pas mbylljes së qendrave të votimit në Francë.

MARKETING

“Demokracia ka folur”, tha Marine Le Pen, duke thënë se “blloku makronist” ishte “eliminuar praktikisht”.

“Francezët kanë treguar dëshirën e tyre për të kthyer faqen e 7 viteve të pushtetit përçmues dhe gërryes”, tha ajo duke shtuar “një shenjë besimi që na nderon dhe na detyron”.

Politikania franceze falenderoi votuesit për mbështetjen e tyre por thotë se raundi tjetër i votimit do të jetë vendimtar “vendimtar”, duke iu referuar raundit të dytë të zgjedhjeve të Francës të dielën e ardhshme, 7 korrik.

MARKETING