Elena Petrova drejtoreshë e re në DAP, Boban Nikollovski në Drejtorinë e doganave
Drejtoreshë e re e Drejtorisë së të Ardhurave Publike është Elena Petrova, ndërsa drejtor i Drejtorisë së doganave është emëruar Boban Nikollovski.
Për zgjidhjet e reja kadrovike në këto institucione është vendosur në seancën e sotme të qeverisë.
Petrova ka kryer postin e zëvendësministres plotësuese të Financave në Qeverinë teknike. Ajo është ekonomiste e diplomuar me mbi 25 vite përvojë në Drejtorinë e të Ardhurave Publike, ku ka qenë në poste drejtuese, përfshirë edhe atë si udhëheqëse e Drejtorisë së tatimpaguesve të mëdhenj.
Nga Pres shërbimi i qeverisë bëjnë me dije se ajo ka marrë pjesë aktive në disa Këshilla drejtues dhe posedon licenca dhe certifikata, duke përfshirë trajnime dhe bashkëpunime me Bankën Botërore, FMN-në dhe organizata të tjera ndërkombëtare.
Nikollovski vjen nga pozita e deputetit në Kuvendin e Maqedonisë dhe ka 15 vjet përvojë pune në Drejtorinë e doganave duke përfshirë edhe punën si drejtor i NP “Plani për Kumanovën”. Ka magjistraturë për biznes dhe posedon dhjetëra trajnime dhe licenca për punë në doganë.
MARKETING
