Dy vjet burg për Sulejman Lamallarin për sulm ndaj kryetares së Qytetit të Shkupit, Danella Arsovska

Gjykata themelore penale në Shkup sot solli vendim, me të cilin Sulejman Lamallari është dënuar me dy vjet burg për “dhunë ndaj kryetares së Qytetit të Shkupit, Danella Arsovska”. Siç u konfirmua nga gjykata, në dënimin e shqiptuar do të konsiderohet dhe koha në të cilën i akuzuari ka kaluar në paraburgim.

Rasti ka të bëjë me incidentin e 11 korrikut të vitit 2025, kur Arsovska ishte në terren me nëpunësit e autorizuar pas një raportimi për ndërtim të paligjshëm. Sipas aktakuzës së dorëzuar, “Lamallari arriti me trotinet elektrik dhe e sulmoi kryetaren e Qytetit fizikisht dhe verbalisht, duke i shkaktuar edhe lëndime trupore dhe duke i dërguar kërcënime serioze.

Gjatë procesit gjyqësor, i akuzuari pretendoi se nuk është ai sulmuesi, por viktima e incidentit dhe se u sulmua nga Arsovska. Ai deklaroi se vetëm po përpiqej t’i hiqte telefonin për të parandaluar xhirimin e paautorizuar dhe se u godit me shqelma.

Në dëshminë e saj, megjithatë, kryetarja e Qytetit e përshkroi ngjarjen si “agresive dhe të rrezikshme”, duke e lënë atë të ndihej “e kërcënuar, e pasigurt dhe e frikësuar”. Sipas saj, sulmi zgjati mbi 40 minuta, ndërsa ndërhyrja e policisë ishte e nevojshme.

Gjykimin e drejtoi gjyqtarja Biljana Kocevska, ndërsa aktakuzën e përfaqësoi prokurori Aleksandar Davçevski.

MARKETING