Dy persona të dehur nga Peshtani arrestohen në Ohër pasi sulmuan policët

Dy persona nga fshati Peshtan janë arrestuar në Ohër në orët e para të mëngjesit, pasi fillimisht kanë fyer dhe më pas kanë sulmuar fizikisht policët që po kryenin detyrën pranë lagjes “Sveti Stefan”, në rrugën Ohër–Shën Naum.

Sipas njoftimit të Sektorit për Punë të Brendshme Ohër, të ndaluarit G.M. (52) dhe R.M. (65) ndodheshin nën ndikimin e alkoolit. Testimi me alkometër ka treguar se G.M. kishte 1.63 promila alkool në gjak, ndërsa R.M. 0.53 promila.

Pas dokumentimit të rastit, ndaj të dyshuarve do të ngrihen kallëzimet përkatëse.

MARKETING