Di Gregorio shpëtoi Juventusin nga debakli, por jo edhe nga eliminimi përballë Real Madridit

Real Madridi e ka eliminuar Juventusin me rezultat 1-0 në Kupën e Botës për Klube, për të kaluar në çerekfinale.

Fillimisht, Zonja e Vjetër e nisi më mirë ndeshje, duke rrezikuar qysh në minutën e tetë përmes Randal Kolo Muanit, por që goditja e tij ishte e pasaktë.

Jude Bellingham lëshoi një mundësi të artë në minutën e 30-të, pasi nuk arriti ta fuste topin në rrjetë.

Michele Di Gregorio (45+1’) shpëtoi edhe njëherë Juventusin, duke i pritur goditjen Federico Valverdes.

Në 45 minutat e dytë nuk është se dalloi shumë ritmi i lojës, por skuadra spanjolle ia doli të shënonte golin e fitores.

Bellingham dhe Dean Huijsen testuan Di Gregorion, por gardiani i Juventusit nuk u mposht.

Mirëpo, në minutën e 54-të, nga një asistim i Trent Alexander-Arnold, Gonzalo Garcia realizoi me kokë, për t’i dhënë epërsinë skuadrës së tij.

Edhe Valverde (61’) testoi portierin e Bianconerëve, mirëpo kësaj herë ishte i sigurt me një super pritje.

Ard Guler lëshoi jë goditje të rrezikshme në minutën e 72-të, ndërsa Di Gregorio ishte më meritoi që Juventusi nuk pësoi debakël të dytë, pas atij me Manchester Cityn.

Dhjetë minuta më vonë, edhe Aurelien Tchoumaeni testoi portierin e skuadrës italiane, por as francezi nuk ia doli.

Kjo fitore e ndihmoi Real Madridit që të kalonte në çerekfinale, aty ku do të përballet me fituesin e dueli Dortmund-Monterrey.

MARKETING