Barcelona dëshiron shitjen e yllit të ekipit për ta përshpejtuar regjistrimin e Rashfordit

Barcelona po shqyrton shitjen ose huazimin e Marc Casados si një hap të domosdoshëm për të regjistruar Marcus Rashford, i cili ka mbërritur së fundmi në një huazim njëvjeçar nga Manchester United, sipas Diario AS. 

Burime të brendshme sugjerojnë se Casado, një mesfushor i dalë nga akademia me minuta të kufizuara dhe që aktualisht është në hije pas Frenkie de Jong dhe Marc Bernal që është kthyer, shihet si kandidati kryesor për largim. 

Në diskutimet e brendshme, Casado është cilësuar si një ‘levë financiare’, një aset kyç për të liruar hapësirë në pagat dhe për të përmbushur rregullin e ‘Fair Play’ financiar të La Ligas.

Negociatat thuhet se janë në vazhdim, me klubin që shpreson të arrijë një marrëveshje sa më shpejt. 

Shitja e Casados shihet si mënyra më e drejtpërdrejtë për të liruar hapësirën e nevojshme në pagat, duke mundësuar regjistrimin e menjëhershëm të Rashford dhe ndoshta edhe të një përforcimi tjetër para se të mbyllet afati kalimtar. 

Për Barcelonën, prioriteti është i qartë. Lirimi i një hapësirës së pagave mund të çelë rrugën për regjistrimin e Rashfordit, një lojtar që shihet si shumë i rëndësishëm për të forcuar repartin ofensiv nën drejtimin e Hansi Flick.

MARKETING