Aeroportet turke regjistrojnë mbi 38.9 milionë pasagjerë në periudhën janar-mars

Sipas të dhënave zyrtare të publikuara sot, aeroportet turke regjistruan më shumë se 38.9 milionë pasagjerë, përfshirë pasagjerët tranzit, në periudhën janar-mars, transmeton Anadolu.

Krahasuar me një vit më parë, shifra tremujore shënoi rritje për 31.5 për qind, tregojnë të dhënat e Drejtorisë së Përgjithshme të Autoritetit Shtetëror të Aeroporteve.

Rreth 18.8 milionë pasagjerë udhëtuan në fluturime të brendshme në periudhën janar-mars, me një rritje prej 17.6 për qind në bazë vjetore.

Numri i pasagjerëve në fluturimet ndërkombëtare shënoi rritje me 48.3 për qind në 20.2 milionë në të njëjtën periudhë.

Aeroportet e Türkiye-s shërbyen 436.550 avionë, përfshirë fluturimet, në tremujorin e parë të vitit 2023.

Aeroporti i Istanbulit regjistroi më shumë se 40 për qind të trafikut total të pasagjerëve në vend me 16.5 milionë pasagjerë, nga të cilët 3.6 milionë ishin në rrugët e brendshme dhe 12.9 milionë në ato ndërkombëtare.

Mega aeroporti shërbeu gjithsej 113.845 avionë në tre muajt e parë të vitit. Qendra e dytë më e ngarkuar ishte aeroporti “Sabiha Gokcen” i Istanbulit në anën e Anadollit të qytetit, i cili tërhoqi 7.9 milionë pasagjerë.

Ai u pasua nga Aeroporti i Antalyas në qendrën turistike turke të Mesdheut, i cili pati 2.8 milionë pasagjerë.

Nga ana tjetër, trafiku i mallrave në aeroportet e Türkiye-s shënoi rënie me 4.6 për qind krahasuar me të njëjtën periudhë të vitit të kaluar në gati 347.072 tonë.

MARKETING