Vellkovski: Borxhi ndaj fondit të dytë pensional është shumë më herët, jo nga viti 2026
Borxhi ndaj fondit të dytë pensional është krijuar shumë më herët, deklaroi sot ministri i Politikës Sociale, Demografisë dhe Rinisë Gjoko Vellkovski, duke u përgjigjur në pyetjen e deputetit Jovan Mitreski për një borxh prej, siç pohon, rreth 40 milionë eurosh ndaj fondit të dytë pensional.
“Nëse flisni për raportin e revizionit, ai është për vitin 2024, nëse mbaj mend mirë, ajo Qeveri erdhi në pushtet diku në qershor, Buxheti që u votua ishte nga Qeveria e mëparshme, dhe në atë kohë nuk ka qenë drejtori i deritanishëm. Ishte dikush tjetër, kështu që ato fonde për të cilat po lexoni janë krijuar shumë kohë më parë, dhe mjetet Kuvendi që votoi buxhetin nuk janë siguruar për të shërbyer të gjitha ato detyrime. Çdo raport i revizionit, përndryshe, përpunohet dhe i dorëzohet Qeverisë, shqyrtohet dhe hartohet një plan veprimi të të njëjtës, veprohet në përputhje me rekomandimet që janë dhënë sipas Entit Shtetëror të Revizionit”, deklaroi Vellkovski.
Mitreski pohoi se borxhi ndaj fondit të dytë të pensioneve arrin në 40 deri në 57 milionë euro dhe se për të gjithë punonjësit e lindur pas 1 janarit 1967, pra për rreth 650.000 qytetarë, paratë nuk janë transferuar në fondin e dytë të pensioneve në kohë. Deputeti iu referua raportit të revizionit, i cili thotë se për janarin dhe shkurtin e vitit 2026 borxhi ndaj fondit të dytë të pensioneve arriti në 40 milionë euro, ndërsa më pas theksoi se ai ishte rritur deri në këtë muaj. Sipas tij, që nga 31 tetori, borxhi ndaj fondit të dytë të pensioneve arrin në 51 milionë euro.

E pyeti Vellkovskin se kur do t’i shkarkojë drejtorin dhe zëvendësin e tij në Fondin e Sigurimit Pensional, ndërsa kryetarin e ekspertëve të Agjencisë për Supervizion të Fianancimit Kpital të Sigurimit Pensional, Remzi Bajrami, nëse për këtë gjendje e ka njoftuar Ministrinë e Financave, Qeverinë dhe Prokurorinë.
Vellkovski u përgjigj se Qeveria i emëron dhe shkarkon drejtorin e Fondit Pensional, për të cilën Mitreski citoi ligjin se edhe ministri mund t’i shkarkojë në raste të caktuara.

Bajrami, ndërkaq, në përgjigjen e tij tha se ka vonesa të herëpashershme në pagesat në fondin e dytë të pensioneve, por që afatet ligjore nuk tejkalohen.
“Në afatet ligjore Ministria e Financave bën transfer. Ndonjëherë ka vonesa, megjithatë nuk i tejkalon afatet ligjore që përcaktohen me ligj. Transferi i fundit ishte më 4, 5 dhe 7 të këtij muaji. Pra, janë transferuar mbi 20 milionë në fondet e pensioneve dhe kjo i përket më shumë Ministrisë dhe Fondit Pensional”, tha Bajrami.
Mitreski u përgjigj se borxhi ndaj fondit të dytë pensional që nga 10 nëntori është 47 milionë euro dhe se ligji thotë se nëse paratë nuk transferohen menjëherë ose brenda pesë ditëve, duhet të llogaritet kompensim për qytetarët që janë anëtarë të shtyllës së dytë. “Nuk është llogaritur kurrë. Të gjithë anëtarët janë dëmtuar nga kjo” tha Mitreski, duke theksuar se qytetarët mund të ngrenë padi mbi këtë bazë.

