OKB: 245 fëmijë palestinezë janë vrarë nga forcat izraelite në Bregun Perëndimor që nga tetori i vitit 2023

Komisioneri i Lartë i OKB-së për të Drejtat e Njeriut, Volker Turk, ka deklaruar se forcat izraelite kanë vrarë 245 fëmijë palestinezë në Bregun Perëndimor të pushtuar që nga 7 tetori i vitit 2023, përfshirë 41 në incidente që lidhen me raportimet për hedhje gurësh, transmeton Anadolu.

MARKETING

“Vrasja e një fëmije është e dënueshme. Vrasja e një fëmije vetëm pse mban ose hedh gurë është e neveritshme”, tha Turk.

Ai theksoi se e drejta ndërkombëtare kërkon që çdo përdorim i forcës të jetë “i domosdoshëm dhe proporcional me kërcënimin e paraqitur”, duke shtuar se shkeljet duhet të ndiqen dhe të mbahen përgjegjëse.

“Duhet të ketë përgjegjësi për shkeljet”, tha ai.

Në Bregun Perëndimor të pushtuar janë intensifikuar bastisjet ushtarake izraelite dhe sulmet nga kolonët izraelitë që nga tetori i vitit 2023, ndërsa palestinezë, përfshirë fëmijë, janë vrarë dhe plagosur në incidente të ndryshme.

Më 8 nëntor, forcat izraelite qëlluan dhe plagosën një fëmijë palestinez gjatë një bastisjeje në qytetin Qalqilya, në veri të Bregut Perëndimor.

Në muajin maj, UNICEF-i bëri të ditur se të paktën 70 fëmijë palestinezë ishin vrarë në Bregun Perëndimor të pushtuar, përfshirë Kudsin Lindor, që nga fillimi i vitit 2025, ndërsa 93 për qind e tyre ishin vrarë nga forcat izraelite.

MARKETING