Bërvenica të dielën zgjedh kryetarin e ri të komunës, sot votojnë të sëmurët dhe personat e pafuqishëm

Banorët e Komunës së Bërvenicës do t’u drejtohen nesër kutive të votimit për të zgjedhur kryetarin e ri të komunës, në kuadër të zgjedhjeve të parakohshme lokale, të cilat po mbahen pas vdekjes së ish-kryetarit, Jovica Ilievski, më 23 qershor 2026.

MARKETING

Sipas të dhënave të Komisionit Shtetëror të Zgjedhjeve (KSHZ), sot do të votojnë 88 persona të sëmurë dhe të pafuqishëm.

Në garën për kreun e Komunës së Bërvenicës janë gjithsej gjashtë kandidatë, të cilët përfaqësojnë katër blloqe politike, ndërsa dy kandidatë garojnë si të pavarur.

Gjatë muajve të fundit, detyrën e ushtruesit të detyrës së kryetarit të komunës e ka ushtruar Robert Milosheski.

Vendvotimet do të hapen nesër në orën 07:00 dhe do të qëndrojnë të hapura deri në orën 19:00.

Sipas Listës Zgjedhore, të drejtë vote në dhjetë vendbanimet e Komunës së Bërvenicës kanë gjithsej 16.256 qytetarë. Prej tyre, 449 janë përkohësisht në punë jashtë vendit, ndërsa nëntë persona ndodhen në burg ose në paraburgim.

MARKETING