Mbetje të raketës balistike bien në kryeqytetin saudit pas interceptimit, shkaktohen dëme materiale

Mbetjet e një rakete balistike të interceptuar kanë rënë në kryeqytetin saudit Riad, duke shkaktuar dëme materiale, njoftoi Mbrojtja Civile e Arabisë Saudite, transmeton Anadolu.

MARKETING

“Ekipet e Mbrojtjes Civile në Riad reaguan pas rënies së mbetjeve të një rakete balistike pasi ajo u interceptua dhe u shkatërrua”, raportoi agjencia shtetërore saudite e lajmeve SPA, duke cituar zëdhënësin e Mbrojtjes Civile.

Zyrtari ka thënë se raketa ishte lëshuar nga grupi Huthi në Jemen, duke shtuar se incidenti ka shkaktuar dëme materiale në një kopsht fëmijësh dhe një kompleks klinikash mjekësore.

Zhvillimi vjen në mes të përshkallëzimit të ndjeshëm të sulmeve me raketa dhe dronë nga Huthit, që kanë në shënjestër aeroportet, objektet ushtarake dhe infrastrukturën e naftës në Arabinë Saudite.

Forcat qeveritare jemenase këtë javë nisën një ofensivë të re në kuadër të operacionit “Agimi i Jemenit”, me synim rivendosjen e institucioneve shtetërore dhe rimarrjen e territoreve të mbajtura nga Huthit.

Jemeni është përfshirë në konflikt që nga viti 2014, kur Huthit morën kontrollin e kryeqytetit Sana dhe disa provincave, duke nxitur ndërhyrjen e një koalicioni të udhëhequr nga Arabia Saudite në vitin 2015 në mbështetje të qeverisë së njohur ndërkombëtarisht. Luftimet rifilluan në korrik, pas një periudhe qetësie relative pas armëpushimit të vitit 2022.

MARKETING