Çmimet e karburantit shfaqen për herë të parë në Google Maps në Britani

Google Maps për herë të parë ka filluar shfaqjen e çmimeve të karburantit në Mbretërinë e Bashkuar pothuajse në kohë reale, për t’i ndihmuar shoferët të gjejnë benzinë dhe naftë më të lirë mes rritjes së ndjeshme të kostove të energjisë, transmeton Anadolu.

MARKETING

Departamenti për Sigurinë e Energjisë dhe Net-Zero njoftoi se kontrollimi i çmimeve lokale të karburantit tani është “po aq i thjeshtë sa” hapja e Google Maps dhe kërkimi i një pike karburanti aty pranë, ndërsa në aplikacion shfaqen çmimet pothuajse në kohë reale për benzinën dhe naftën.

“Në një kohë kur konflikti i vazhdueshëm në Lindjen e Mesme ka rritur çmimet e karburantit për shoferët, dallimi i çmimeve mund t’u kursejë familjeve që kanë makinë rreth 40 paund (52 dollarë) në vit”, thuhet në deklaratë.

Kancelari i Thesarit, John Healey tha se gjetja e çmimit më të mirë në pikat e karburantit tani është më e lehtë, megjithëse “kjo nuk zgjidh gjithçka”. Sipas qeverisë, skema “Fuel Finder” u krijua për t’i ndihmuar shoferët të kenë qasje në çmime më konkurruese të karburantit, pas një rekomandimi nga Autoriteti i Konkurrencës dhe Tregjeve (CMA).

Që nga muaji shkurt, pikat e karburantit në të gjithë Mbretërinë e Bashkuar janë të detyruara të raportojnë ndryshimet e çmimeve të karburantit brenda 30 minutash, përndryshe rrezikojnë gjobë. Masa vjen disa ditë pasi çmimi i naftës kaloi për herë të parë nivelin prej 2 paundësh (2.64 dollarë) për litër.

MARKETING