Arrestohet një 58-vjeçar në Gostivar, policia gjen drogë dhe municion gjatë bastisjes

Një 58-vjeçar nga fshati Raven i Gostivarit është arrestuar nën dyshimin për prodhim dhe shpërndarje të paautorizuar të drogave narkotike, substancave psikotrope dhe prekursorëve.

MARKETING

Sipas njoftimit të Ministrisë së Punëve të Brendshme, arrestimi është kryer mëngjesin e sotëm, rreth orës 07:30, nga zyrtarët policorë të Drejtorisë së Punëve të Brendshme Gostivar.

Gjatë një bastisjeje të kryer në shtëpinë e të dyshuarit dhe në objektet ndihmëse, me urdhër të gjykatës, policia ka gjetur dhe sekuestruar një substancë pluhur të bardhë, marihuanë dhe fishekë pistolete.

I dyshuari është ndaluar në stacionin policor, ndërsa pas dokumentimit të plotë të rastit ndaj tij do të ngrihen kallëzimet përkatëse penale, njoftojnë nga MPB.

MARKETING