KHF Çairi fton tifozët në festë, të enjten mbyll sezonin para publikut vendas

WHC Çair do ta zhvillojë të enjten ndeshjen e fundit si vendas për këtë sezon, ndërsa në Çair po përgatitet një atmosferë festive pas suksesit historik të skuadrës.

Ekipi nga Çairi do të përballet me Astibon të enjten nga ora 19:00 në sallën sportive Salla sportive “Enver Idrizi”, në një takim që pritet të shndërrohet në festë për tifozët dhe klubin.

WHC Çair tashmë ka siguruar vendin e dytë në kampionat, si dhe kualifikimin për garat evropiane dhe Ligën Rajonale, duke realizuar një nga sezonet më të suksesshme në historinë e klubit.

Para kësaj sfide, trajneri Basri Latifi u bëri thirrje tifozëve që të jenë të pranishëm në numër sa më të madh për të festuar së bashku sukseset e këtij edicioni.

Sipas Latifit, pjesëmarrja në EHF Cup dhe kualifikimi në Ligën Rajonale, ku Çairi do të përballet me skuadra nga Kroacia, Sllovenia, Mali i Zi dhe Serbia, përfaqësojnë një arritje të madhe për klubin dhe sportin në Çair.

Nga klubi vlerësojnë se ky sukses është rezultat i punës dhe angazhimit gjatë gjithë sezonit, duke e konsideruar ekipin si një nga përfaqësuesit më të suksesshëm të sporteve kolektive në këtë komunë.

Në Çair pritet atmosferë festive dhe mbështetje e madhe nga publiku për ndeshjen që do të shërbejë edhe si festë për sezonin historik të skuadrës.

MARKETING