(VIDEO) Mashtrimet për dënimet në trafik, MPB u bën thirrje qytetarëve të jenë të kujdesshëm

Ministria e Punëve të Brendshme, ka paralajmëruar se ditëve të fundit është vërejtur një rast i shpeshtë ku disa persona të panjohur përmes një numri të huaj telefonik u dërgojnë mesazhe qytetarëve të RMV-së për një shkelje të supozuar në komunikacion dhe kërkojnë pagesë me kartelë bankare në një faqe të rreme të internetit. Nga ana tjetër, Sektori për krim kompjuterik pranë MPB-së u bën thirrje qytetarëve dhe subjekteve juridike të mos hapin linqe apo dokumente të dyshimta të bashkëngjitura në mesazhe që nuk vijnë nga dërgues të verifikuar dhe të njohur.

TABELË: MINISTRIA E PUNËVE TË BRENDSHME

“Mashtrimi realizohet në atë mënyrë që, pasi qytetarët të klikojnë në linkun e dërguar në mesazh, ai i çon në një faqe të rreme të MPB-së ku kërkohet të vendoset targa e automjetit, e më pas hapet një dritare tjetër ku paraqitet një shkelje e regjistruar dhe kërkohet pagesë prej 1500 denarësh”.

MPB bën thirrje tek qytetarët që të jenë të kujdesshëm dhe të mos u besojnë mesazheve që vijnë nga faqe jozyrtare të Ministrisë,  të mos japin të dhënat personale apo të dhënat e kartës së tyre bankare, pasi ato mund të keqpërdoren./SHENJA/

MARKETING