Kina reagon kundër diskriminimit dhe ligjit të diskutueshëm izraelit mbi të burgosurit palestinezë

Kina i bëri thirrje sot Izraelit kundër diskriminimit dhe konfrontimit për shkak të një ligji të diskutueshëm që vendos dënimin me vdekje për të burgosurit palestinezë, i cili ka shkaktuar dënim global, raporton Anadolu.

MARKETING

“I gjithë legjislacioni duhet të jetë në përputhje me parimet ligjore siç është parimi i ligjshmërisë, drejtësisë dhe paanshmërisë dhe nuk duhet të diskriminojë në bazë të racës, fesë, kombësisë apo pikëpamjes politike”, tha zëdhënësja e Ministrisë së Jashtme kineze, Mao Ning.

Mao iu përgjigj një pyetjeje nga Anadolu lidhur me një ligj të ri të diskutueshëm të miratuar nga parlamenti izraelit të hënën e kaluar ku në mbështetje të tij votoi edhe kryeministri izraelit Benjamin Netanyahu.

Sipas ligjit, ekzekutimet do të kryhen me varje, të kryera nga rojet e burgut të emëruar nga Shërbimi i Burgjeve Izraelite. Personat e përfshirë duhet të kenë anonimitet dhe imunitet ligjor.

​​​​​​​Megjithatë, Mao theksoi se të drejtat legjitime të popullit palestinez “duhet të respektohen dhe të mbrohen”.

“Veprimet që përshkallëzojnë tensionet dhe përkeqësojnë konfrontimin duhet të ndalen”, shtoi Mao.

MARKETING