FFM: Rexhep Murati u ndëshkua me karton të kuq pasi e pështyu arbitrin kryesor

Federata e Futbollit e Maqedonisë reagoi pas incidentit në ndeshjen e javës së 19-të në elitë mes Vardarit dhe Bashkimit, kur në minutën e 87-të një lojtar mysafir mori karton të kuq direkt për të pështyrë gjyqtarin.

Gjyqtari kryesor ishte rreth një metër larg dhe pa hezitim tregoi kartonin e kuq. Ky incident u konfirmua edhe nga gjyqtarët VAR me video të qartë.

Më pas, një zyrtar i përjashtuar i Bashkimit hyri pa leje në fushë dhe filloi konfrontim me lojtarin e Vardarit, Boban Nikolov. Ky veprim ishte i papranueshëm, sidomos sepse zyrtari ishte përjashtuar më parë dhe nuk duhej të hynte në fushë.

Për shkak të ngjarjes, Nikolov mori karton të verdhë si ndëshkim i drejtë. Përfaqësuesi i Bashkimit mund të vizitojë VAR-in e FFM-së për të parë videon dhe dëgjuar komunikimin e gjyqtarëve dhe lojtarit të përjashtuar.

Ndeshja u zgjat për 10 minuta për shkak të kohës së humbur. Koha +18 minuta e shfaqur në TV ishte një gabim teknik. Në fund, Vardari fitoi 1-0 dhe rriti diferencën ndaj të dytit në renditje, Struga Trim Lum. /SHENJA/

MARKETING