Mickoski: Pres që inflacioni të jetë nën 3 për qind, në kuadër të projeksioneve

Kryeministri Hristijan Mickoski pret që inflacioni në muajt e ardhshëm të jetë nën 3 për qind, ndërsa të njëjtën shumë pret edhe për inflacionin vjetor, siç deklaroi sot, në kuadër të projeksioneve.

“Në sektorin ushqimor, vitin e kaluar pati një shportë Krishtlindjesh për janarin dhe e njëjta gjë do të jetë edhe në prill. Vlerësoj se do të lëvizim brenda projeksionit nën 3 për qind për inflacionin vjetor. Në monetin e parë, kur krahasojmë normën, ajo është pak a shumë e njëjtë me atë në rajon, përveç në Serbinë fqinje, ku është 2,2 – 2,3 për qind sepse ata e kanë atë masë me kufizime çmimesh të produkteve. Në momentin e parë që ata e braktisin atë masë, atëherë e gjithë kjo do të stabilizohet, e pamë këtë një vit para se ta zbatonin dhe për këtë arsye vendosëm ta luftonim inflacionin përmes mekanizmave të tjerë. Sa i përket muajve të tjerë, pres që të jetë 3 për qind, tha Mickoski në përgjigje të pyetjes së gazetarëve në lidhje me të dhënat e inflacionit në janar, kur ai ishte 3,2 për qind në bazë vjetore, me një rënie mujore prej 0,7 për qind, por me një rritje në sektorin ushqimor prej 5,2 për qind.

Kryeministri shtoi se ka shumë vende ku inflacioni është shumë më i lartë se tek ne, si Rumania ku inflacioni është 9,8 për qind, Turqia ku është dyshifror, mbi 30 për qind, Bullgaria fqinje, Kroacia, etj…

“Unë pres që inflacioni tek ne këtë vit të jetë nën 3 për qind, gjegjësisht në kuadër të parashikimeve, tha Mickoski, pas fjalimit në konferencën vjetore “Formalizimi i ekonomisë joformale: Përmes bashkëpunimit drejt suksesit”.

Projeksionet e Ministrisë së Financave, potencoi ministrja përkatëse, Gordana Dimitreska Kocoska, mbeten të njëjta dhe tashmë ka një stabilizim të situatës.

“Ne kemi arsyet tona për shkak që jemi duke projektuar gjërat, ndërsa në mënyrën më të përshtatshme do të përgjigjet me tëpër Banka Popullore e cila duke marrë masa të caktuara dhe si rezultat i kësaj, sot ka një rënie të inflacionit. Sigurisht, situata po monitorohet, por si Ministri e Financave, nuk mund të shtonim asgjë më shumë sepse nuk jemi ne ata që propozojmë masa”, tha Dimitrieska Koçoska.

E pyetur për shkallën e lartë të inflacionit të ushqimeve, potencoi se pas rritjes së pagave dhe çmimeve, ka ardhur koha që ato të stabilizohen.

“Stabilizimi nuk ndodh kurrë brenda natës. Që kur filloi inflacioni, si opozitë gjatë asaj periudhe, ne kemi folur për gjetjen e mënyrave për të stabilizuar çmimet, ndërsa jo vetëm për rritjen e pagave më shpejt me qëllim mbulimin e këtyre çmimeve. Kjo ishte situata aktuale në atë kohë, kishte faktorë të jashtëm – çmimet e larta të energjisë elektrike, situata pas Kovidit, konflikti midis Ukrainës dhe Rusisë. Atëherë flisnim për marrjen e masave, shpesh flisja për përdorimin e rezervave të mallrave, gjithçka që mund të bëhej, qeveria e mëparshme nuk i pengoi. Tani kur ju t’i mësoni kompanitë se produkti i tyre me çmim më të lartë po shitet, është shumë e vështirë t’i bindësh ato të kthehen. Dhe tani duhet ta rikthejmë atë zakon dhe t’i largojmë prej tij, dhe kjo po ndodh, por nuk është kaq e thjeshtë. Ndërsa ushqimi është gjithmonë aty sepse është më i kërkuari”, tha Dimitrieska Koçoska.

Po punojmë, potencoi ministrja, në maksimum për të gjitha sfidat dhe kjo Qeveri ka treguar shumë rezultate, nuk po ndodh që inflacioni të jetë i njëjtë me atë që ishte më parë. Ato duhet të bien dakord se ka një paqëndrueshmëri të madhe në nivel global me vendime të ndryshme, qoftë për doganat, qoftë nëse një vend do të sulmojë një tjetër. Kjo mund të jetë një shkak për inflacionin, por këtu situata po stabilizohet, gjë që është një tregues i qartë se përkundrazi, kjo qeveri interesohet shumë për situatën, por nuk mund ta reduktosh atë brenda natës. Le t’ua lëmë institucioneve të cilat janë përgjegjëse për inflacionin të punojnë për këtë”, theksoi Dimitrieska Koçoska.

Në fjalimin e tij në konferencë, Mickoski foli për situatën e çmimeve në markete dhe paralajmëroi se do të vazhdojë me: monitorimin e përforcuar të çmimeve të produkteve ushqimore bazë; analizën e marzheve tregtare; koordinimin me institucionet kompetente për të parandaluar keqpërdorimet e mundshme; dialogun me tregtarët dhe prodhuesit për të stabilizuar tregun. -Politika jonë është e qartë: financa publike të qëndrueshme dhe një standard i mbrojtur jetese”, tha kryeministri Mickoski.

Si Qeveri, potencoi se, ndajnë shqetësimet e qytetarëve.

Lëvizjet globale, tronditjet energjetike dhe paqëndrueshmëritë ndikojnë në tregje. Por kjo nuk duhet të jetë një alibi për marzhe të pajustifikuara dhe fitime të tepërta në kurriz të qytetarëve. Ekonomia e tregut do të thotë liri tregtie, por nuk do të thotë pa kontroll. Konkurrenca duhet të jetë e drejtë. Konsumatori duhet të mbrohet, theksoi Mickoski.

MARKETING