Rritet në 188 numri i të vdekurve nga tajfuni Kalmaegi në Filipine
Raportohet se është rritur në 188 numri i të vdekurve si pasojë e erërave të fuqishme dhe përmbytjeve të shkaktuara nga tajfuni Kalmaegi, i cili mbërriti mbi Filipine nga Oqeani Paqësor, transmeton Anadolu.
Sipas lajmit të Agjencisë së Lajmeve Filipinase (PNA), Këshilli Kombëtar i Reduktimit dhe Menaxhimit të Rrezikut të Fatkeqësive (NDRRMC) bëri një deklaratë në lidhje me fatkeqësitë dhe aksidentet e shkaktuara nga tajfuni.
Në deklaratë konfirmohet se numri i të vdekurve nga tajfuni Kalmaegi, i njohur në nivel lokal si “Tino”, është rritur në 188.
Gjithashtu deklarata vë në dukje se numri i personave të zhdukur është rritur në 135, dhe përpjekjet e kërkim-shpëtimit janë duke vazhduar për këta persona.
Po ashtu vihet në dukje se nga tajfuni janë prekur më shumë se 2.258 milionë njerëz dhe janë dëmtuar afërsisht 10.000 shtëpi.
Presidenti i Filipineve, Ferdinand Marcos Jr. njoftoi dje gjatë një takimi me zyrtarët e reagimit ndaj fatkeqësive shpalljen e “gjendjes së katastrofës kombëtare” për shkak të tajfunit.
– Pesë persona humbën jetën në Vietnam
Sipas Vietnam News, tajfuni Kalmaegi ka prekur edhe Vietnamin me erëra të forta dhe reshje shiu.
Tajfuni, i cili preku rajonet qendrore të vendit, ka vrarë pesë persona dhe ka plagosur shtatë të tjerë.
Gjithashtu për shkak të Tajfunit, 1.2 milion familje kanë mbetur pa energji elektrike dhe janë shkatërruar 57 shtëpi.
MARKETING
