Verstappen siguron “pole position” mes kaosit në Baku, 6 flamuj të kuq prej aksidenteve

Për herë të parë në karrierën e tij, Max Verstappen siguroi “pole position” në pistën e Baku, i vlefshëm për Cmimin e Madh të Azerbajxhanit në Formula 1. Provat zyrtare në pistën qytetase të Baku ishin një kaos i vërtetë, që zgjatën 2 orë.

Plot 6 flamuj të kuq gjatë 60 minutave që zgjatën këto provat janë një rekord për këtë sport, ndërkohë që edhe një shi i lehtë që binte ndikoi të paraqitja e pilotëve. Në vendin e dytë u rendit spanjolli Carlos Sainz me Williams.

Në vendin e tretë u rendit Liam Lawson me RB, që do ta ndajë vijën e dytë të nisjes me Kim Antonelli me Mercedes. Më pas, në “top-10” edhe Russell, Tsunoda, Norris, Hadjar, Piastri dhe Leclerc.

Zhgënjim për Ferrari, pasi Leclerc u përplas në sesionin e tretë, ndërsa Hamilton u eliminua në sesionin e dytë dhe do ta nisë garën nga vendi i 12-të. Aksident pësoi në sesionin e tretë edhe kryesuesi i botërorit Oscar Piastri, ndërsa Norris rrezikoi shumë.

MARKETING