Lulzim Ismaili, djaloshi tetovar të mërkurën në Australi para një sfide të madhe

Boksieri tetovar Lulzim Ismaili (12-0) së bashku me trajnerin e tij Halim Abazi nga Boxclub Shkëndija No Limit kanë udhëtuar drejt Australisë, aty ku më 20 gusht e pret një nga përballjet më të rëndësishme të karrierës.

Në arenën ICC Sydney Theatre, Ismaili do të ndeshet me Nikita Tszyu (10-0), vëllain e vogël të Tim Tszyu dhe pasardhës i një familjeje legjendare të boksit. Tszyu kthehet në ring pas një pauze gati njëvjeçare shkaku i një lëndimi në dorë, ndërsa synon të mbrojë rekordin e tij perfekt para publikut vendas.

Por përballë do të ketë një boksier të vendosur nga Tetova, i cili me shumë punë e përkushtim ka arritur të ruajë po ashtu rekordin e pastër prej 12 fitoreve. Dueli pritet të jetë një test i vërtetë për karrierën e Ismailit, që kërkon të shkruajë historinë e vet në skenën ndërkombëtare të boksit.

 Data: E mërkurë, 20 gusht 2025

 Vendndodhja: ICC Sydney Theatre, Australi

 Ora lokale: Rreth 10:00 të mbrëmjes (sipas orës australiane, varet nga kohëzgjatja e dueleve paraprake)

Tetova dhe gjithë shqiptarët e presin me emocione këtë duel të madh, me shpresën se Lulzim Ismaili do të kthehet nga Australia me një tjetër fitore të madhe në karrierë.

MARKETING