Presidenti turk Erdoğan përshëndet deklaratat e Trumpit për t’i dhënë fund konfliktit Izrael-Iran

Presidenti turk Recep Tayyip Erdoğan lavdëroi deklaratat e fundit të homologut të tij amerikan, Donald Trump, për përfundimin e konfliktit ndërmjet Izraelit dhe Iranit, duke theksuar nevojën për veprim të menjëhershëm për të parandaluar një katastrofë që mund të përfshijë të gjithë rajonin në flakë.

Dy liderët diskutuan konfliktin Izrael-Iran, marrëdhëniet dypalëshe dhe çështjet rajonale gjatë një bisede telefonike, njoftoi Drejtoria e Komunikimeve e Türkiyes në rrjetin X ditën e dielë.

Erdoğan ritheksoi se diplomacia është e vetmja rrugë e qëndrueshme për zgjidhjen e çështjes së programit bërthamor të Iranit, duke shprehur gatishmërinë e Ankarasë për të bërë çdo përpjekje të mundshme në këtë drejtim, përfshirë edhe ndërmjetësimin.

Presidenti turk tha se sulmet e Izraelit ndaj Iranit kanë shkaktuar “dëme të pakthyeshme ekonomike dhe civile” për të dyja palët dhe theksoi nevojën për t’i dhënë fund kësaj rruge të rrezikshme.

Në një postim në platformën Truth Social të dielën, Trump deklaroi: “Irani dhe Izraeli duhet të arrijnë një marrëveshje, dhe do ta arrijnë një marrëveshje”, duke shtuar se janë duke u zhvilluar

shumë thirrje dhe takime për të arritur paqen.

“Masa urgjente“

Konflikti mes Iranit dhe Izraelit filloi herët të premten, kur Izraeli goditi objektiva ushtarake dhe bërthamore iraniane, duke vrarë shumë prej komandantëve dhe shkencëtarëve të tij kryesorë. Izraeli ka vazhduar sulmet kurse Irani ka ndërmarrë kundërsulme hakmarrëse.

Trump dhe Erdoğan zhvilluan gjithashtu një bisedë telefonike të shtunën
Presidenti turk Recep Tayyip Erdoğan, në një telefonatë me homologun e tij amerikan Donald Trump, tha se duhet ndërmarrë “masa urgjente” për të parandaluar që konflikti Izrael-Iran të përfshijë gjithë Lindjen e Mesme.

MARKETING