Izraeli vazhdon sulmet nëpër Iran, ndërsa Teherani premton përgjigje shkatërruese brenda orësh

Forca Ajrore e Izraelit po kryen sulme të mëdha ndaj impianteve të gazit në zonën e Bandar Abbas në jugperëndim të Iranit dhe ndaj impiantit bërthamor në qytetin qendror të Isfahanit, tha e shtuna në mbrëmje gazeta israelite Israel Hayom, duke cituar një zyrtar izraelit pa emër. Ndërkaq, Teherani ka premtuar një përgjigje shkatërruese brenda orësh.

“Forca Ajrore e Izraelit po kryen sulme të shumta ndaj impianteve kyçe të gazit në Bandar Abbas, që shikon drejt ngushticës së Hormuzit, impiantit bërthamor në Isfahan dhe objektivave të tjera në kryeqytetin Teheran,” tha zyrtari.

Asnjë deklaratë zyrtare nga ushtria izraelite nuk është publikuar lidhur me sulmet.

Ndërkohë, agjencia iraniane e lajmeve Tasnim raportoi se Izraeli kreu sulme të rënda ndaj kryeqytetit Teheran dhe provincave Hormozgan, Kermanshah, Azerbaixhan Perëndimor, Lorestan dhe Khuzestan.

Sipas Tasnim, e cila njihet për lidhjet e ngushta me Gardën Revolucionare Islamike (IRGC), sistemet e mbrojtjes ajrore u aktivizuan si përgjigje ndaj sulmeve.

Në një raport tjetër, televizioni shtetëror i Iranit tha se brenda orësh do të nisën sulme “masive dhe shkatërruese” iraniane kundër Izraelit.

Autoriteti Izraelit i Transmetimit KAN citoi një zyrtar të lartë të emergjencës që tha: “Jemi në gatishmëri maksimale dhe përballemi me një skenar të paprecedent në Izrael.”

Izraeli nisi një seri sulmesh ndaj territorit iranian, duke goditur impiantet bërthamore dhe ato të raketave në orët e para të së premtes, duke vrarë figura të larta ushtarake dhe shkencëtarë.

Vala e sulmeve ka shkaktuar vdekjen e të paktën 78 personave dhe plagosjen e 320 të tjerëve, sipas shifrave që më parë njoftoi përfaqësuesi iranian në OKB. Irani nisi sulmet hakmarrëse të premten, duke i quajtur “Operacioni Premtimi i Vërtetë III.”

MARKETING