Makron në Tiranë: Shqipëria do të jetë pjesë e BE-së për dy vjet

Presidenti i Francës, Emmanuel Macron, nga Tirana u bëri thirrje investitorëve të huaj të vijnë në Shqipëri, e cila, siç tha ai, do të jetë pjesë e Bashkimit Evropian “për dy vjet”.
Evropa është një “vend i qëndrueshëm dhe i besueshëm”, tha Macron në Forumin Ekonomik “Prioritet Europa”, të organizuar nga Instituti “Iniciativa për Investime të Ardhshme” i Richard Attias.

“Në këtë botë të çmendur, mos ta nënvlerësojmë forcën e cilësive të tilla”, u shpreh Macron.

Qëllimi i këtij takimi është të lidhë liderët dhe inovatorët evropianë me fondet sovrane dhe drejtuesit e kompanive nga Lindja e Mesme, Azia dhe SHBA-të.

Shqipëria është një “pikë hyrëse” në rajonin e Ballkanit dhe më gjerë në pellgun mesdhetar, vlerësoi presidenti francez.

“Dhe për dy vjet, për çka kryeministri Edi Rama ka një mandat të qartë, ajo do të bashkohet me BE-në”, deklaroi Macron.

Rama tha se negociatat e vendit të tij për anëtarësim në BE filluan në vitin 2022 dhe shtoi se nëse “i përfundojnë mirë të gjitha detyrat e tyre”, mund t’i “mbyllin deri në vitin 2027”, duke shtuar se kjo “do të ishte e jashtëzakonshme”.

MARKETING