Faton Ahmeti i përgjigjet Mickoskit: Përgjegjësia i takon atyre që e meritojnë!

Kryetari i Bashkimit Demokratik për Integrim – Dega në Tetovë, Faton Ahmeti, ka komentuar deklaratën e fundit të kryeministrit Hristijan Mickoski, i cili deklaroi se nuk mendon të dorëhiqet pas tragjedisë në Koçan, ku humbën jetën 59 persona, por shtoi se përgjegjësia do të ekzistojë.

MARKETING

Ahmeti theksoi se përgjegjësia është e domosdoshme, por ajo duhet të bie mbi ata që janë vërtetë përgjegjës.

Në reagimin e tij të plotë, Ahmeti ka theksuar: “Jepini kryetarit çelësat e qytetit dhe kompetencat, por jo edhe përgjegjësitë!” Ai ka kritikuar praktikat e decentralizimit, duke sugjeruar se shpeshherë ka një person që mbetet “fajtor kujdestar”. Ahmeti ka përmendur gjithashtu se e vërteta dhe drejtësia gjithmonë dalin në shesh, pavarësisht përpjekjeve për manipulim, duke theksuar se përgjegjësia duhet të merret nga ata që janë vërtetë përgjegjës.

MARKETING