(VIDEO) Antikorrupsioni hapi lëndë për tenderët në Ministrinë për Transformim Digjital

Komisioni shtetëror për parfandalimin e korrupsionit ka njoftuar se ka hapur lëndë lidhur me akuzat e LSDM-së për keqpërdorim në tenderët në ministrinë e transformimit digjital. Të pyetur nga TV SHENJA ata thonë se pas raportimeve në media, antikorrupsioni ka hapur lëndë për të përcaktuar nëse ka konflikt interesi.

MARKETING

KOMISIONI SHTETËROR PËR PARANDALIMIN E KORRUPSIONIT

“Në lidhje me pyetjen tuaj për tenderët e shpallur nga Ministria për Transformimin Digjital, ju njoftojmë se në Komisionin Shtetëror për Parandalimin e Korrupsionit është hapur një lëndë me iniciativë të vetëdijshme, pas një informate në media”.

Vendimin e antikorrupsionit e ka përshëndetur LSDM-ja opozitare, të cilët thonë se hapi i Komisionit është në drejtimin e duhur, por se tani është radha e Prokurorisë Publike.

LSDM

“Faktet janë të qarta, kompania e bashkëshortit të Klinçarovës ka fituar dy tenderë dhe ministri Andonovski fillimisht ka tentuar ta fshehë, e më pas ta arsyetojë këtë situatë skandaloze me arsyetime absurde. Ky nuk është vetëm një konflikt interesi, ky është një rast i qartë korrupsioni.”

Nga LSDM kanë akuzuar se kompania e udhëhequr nga bashkëshorti i sekretares shtetërore të Ministrisë së Transformimit Digjital, Gordana Klinçarova, ka marrë tenderë në vlerë prej 50 mijë eurosh nga i njëjti institucion. Ndërkaq sipas ministrit Andonovski, sekretarja shtetërore e kësaj ministrie, Gordana Klinçarova, nuk merr pjesë në asnjë procedurë të prokurimit publik. Ai thotë se angazhimi i saj është në punën administrativo-buxhetore të Ministrisë dhe nuk ka konflikt interesi apo ndikim në procedurë nga ana e saj.

Medina Ajeti Ali /SHENJA/

MARKETING