Mickoski takon presidentin Erdogan: Mundësi të reja dhe lidhje edhe më të forta mes popujve tanë

Kryeministri Hristijan Mickoski sot në Turqi ka realizuar takim me presidentin e Turqisë, Rexhep Taip Erdogan.
Mickoski, ka shkruar se me nënshkrimin e marrëveshjes për themelimin e Këshillit të nivelit të lartë për bashkëpunim mes dy qeverive, do të thellohen edhe më fortë lidhjet mes popujve të dy vendeve.
“Sot realizova takim me Presidentin e Republikës së Turqisë, Rexhep Taip Erdogan, ku rikonfirmuam angazhimin tonë të përbashkët për forcimin e partneritetit strategjik midis dy vendeve. Në këtë drejtim do të nënshkruhet Deklarata e Përbashkët Politike për themelimin e Këshillit të nivelit të lartë për bashkëpunim ndërmjet Qeverisë së Republikës së Maqedonisë dhe Qeverisë së Republikës së Turqisë. Ky Këshill do të përfaqësojë një mekanizëm të rëndësishëm për thellimin dhe intensifikimin e bashkëpunimit në të gjitha fushat me interes të ndërsjellë në nivel dypalësh, rajonal dhe global. Jam i bindur se kjo nismë do të kontribuojë në mundësi të reja dhe lidhje edhe më të forta mes popujve tanë”, ka shkruar Mickoski.

MARKETING