Lakers “i jep leksione” Boston-it, Dallas surprizon Oklahoma-n, rikthehet tek fitorja Golden State

Lakers arritën një fitore të rëndësishme në fushën e tyre ndaj Boston me rezultatin 117-96, duke konsoliduar pozitat në zonën play off në Perëndim. Sfidë e komanduar nga kalifornianët, ku Davis realizoi 24 pikë, Reaves 23 dhe James 20, një trio që bëri diferencën në fushë. Ndërkohë tek Celtics zhgënjyen dy yjet e skuadrës, Tatum e Brown, që të dy së bashku arritën të realizonin vetëm 33 pikë.
Surprizon Dallas, që mundi 121-115 kryesuesit e Oklahoma. Dinwiddie me 28 pikë e Irving me 24 pikë u dalluan për miqtë, duke i bërë të pavlefshme 64 pikët e dyshes Shai-Williams.
Rikthehet te fitorja edhe skuadra e Golden State, që mundi 131-106 Chicago, ndeshje ku u dallua stoli i vendasve, nga ku erdhën 73 pikë.

Nuk zhgënjen ekipi i Milwaukee, që falë 29 pikëve të Lillard dhe 25 të Antetokounmpo mundi 125-96 Miami.

Ndeshje të mirë bëri edhe San Antonio, që mundi 140-11- Indiana (Wembanyama 30 pikë), ndërsa Denver mundi 132-123 Sacramento, ku u dallua Jokic me një “triple double” (35 pikë, 22 rebound e 17 asist).

MARKETING