Tjetër vatër zja’rri në veri të Los Angeles, evakuohen 31.000 banorë

Një zjarr i ri ka shpërthyer në veri të Los Angeles më 21 janar dhe është përhapur shpejt në mbi 38 km², duke shkaktuar evakuimin e mbi 31,000 njerëzve dhe duke rrezikuar jetën e banorëve.

Zjarri, i quajtur Hughes Fire, ka shpërthyer rreth 80 km në veri të qytetit dhe ka shpërndarë flakë dhe tym mbi një zonë kodrinore të populluar, por e cila është shumë e ndjeshme ndaj erërave të forta dhe terrenit të pjerrët.

Në vetëm disa orë të mërkurën, zjarri i ri u rrit në dy të tretat e madhësisë së Zjarrit Eaton, një nga dy zjarret masive që kanë shkatërruar zonën e Los Angeles.
Rreth 31,000 njerëz ishin nën urdhra evakuimi të detyrueshëm dhe 23,000 të tjerë ishin nën paralajmërime evakuimi, tha sherifi i Qarkut të Los Angeles, Robert Luna, në një konferencë për shtyp.
Disa zona të parkut Kombëtar Angeles janë mbyllur për vizitorët për shkak të kërcënimit të zjarrit.
Për të luftuar flakët, zjarrfikësit po përballen me kushte të vështira, duke përfshirë erëra të forta dhe terren të pjerrët, që mund të ndihmojnë në përhapjen e zjarrit.

MARKETING