Rama uron Trump për fitoren e zgjedhjeve: Pres me padurim të punoj me Presidentin e 47-të SHBA

Kryeministri Edi Rama ka uruar Donald Trump për fitoren në zgjedhjet presidenciale të SHBA.

Në një postim në rrjetin social X, kreu i qeverisë shkruan se ishte një nder i madh të punonte me Joe Biden për forcimin e marrëdhënieve mes Shqipërisë dhe Amerikës.

Më tej ai thekson se mezi pret me privilegjin më të madh të punojë me Presidentin e 47-të të Amerikës, Donald Trump, për të përmirësuar partneritetin për paqe, prosperitet, dhe përparim të mëtejshëm mes dy vendeve.

“Urime Donald Trump për këtë fitore të jashtëzakonshme

Ishte një nder i vërtetë të punoja së bashku me Presidentin e 46-të të Shteteve të Bashkuara për të forcuar lidhjen midis dy vendeve tona. Pres me padurim të kem privilegjin e madh të punoj me Presidentin e 47-të për të përmirësuar më tej partneritetin tonë për paqe, prosperitet dhe përparim të mëtejshëm.”, shkruan Rama.

MARKETING