Ka humbur jetën një punëtor nga rrethina e Tetovës

Në SPB-Shkup është raportuar se gjatë kryerjes së punëve ndërtimore në një objekt në ndërtim në rajonin Qendër, me lëndime të rënda trupore L.SH (27) nga fshati Gjermë në Tetovë, u dërgua në kompleksin e klinikave “Nënë Tereza” në Shkup, ku pastaj ka ndërruar jetë.

“Me datë 02.11.2024, në ora 20:40 në SPB Shkup është raportuar se rreth orës 16:30, gjatë punimeve ndërtimore në objektin në ndërtim në zonën e Qendrës, L.Sh.(27) nga Fshati Gjermë i Tetovës ka pësuar lëndime të rënda.

Ai është transportuar në kompleksin klinik “Nënë Tereza” në Shkup, ku ka ndërruar jetë rreth orës 18:30.

Në vendin e ngjarjes janë kryer kontrolle inspektuese nga SPB Shkup, është njoftuar inspektori i punës dhe me urdhër të prokurorit publik, trupi i pajetë i të ndjerit është dorëzuar për autopsi”, njofton MPB.

Ministria e Punëve të Brendshme po punon për zbardhjen e rastit.

MARKETING