LSDM: Davkova dhe VMRO-DPMNE lirojnë kriminelët

LSDM i ka vlerësuar si shokuese dhe skandalozë faljet e Presidentes Siljanovska Davkova. Sipas tyre, Presidentja ka falur kriminelë të dënuar, pjesë të narko-klaneve, që janë arrestuar në aksione të mëdha policore me konfiskime armësh, para dhe drogë. Sipas socialdemokratëve, më shokuese është falja e pjesëtarëve të narko-klanit “Baron”.

“Amnistohet edhe ish-Kryetari I komunës së Manastirit, Vladimir Talevski, I cili ishte në burg pas aktvendimit për rastin “Transportuesi” dhe Marjan Efremov, I dyshuari I parë në aferën “Spiuni”. Me këto vendime skandaloze, Davkova mbron kriminelët dhe narko-klanet. Gjithë kjo ndodh në kohën kur po cënohet sistemi I sigurisë me partizimin e Agjencisë për Siguri Kombëtare. Siljanovska Davkova në mënyrë të drejtpërdrejtë minon sundimin e drejtësisë dhe jep sinjale se, secili që është nën mbrojtje të shtetit, mund të bëjë çfarë të dojë. Pyetja kyçe është, përse Davkova mori këtë vendim skandaloz? A ka pushteti marrëveshje me strukturat kriminale që vehen në shërbim të tyre? Ky është një skandal me përmasa të mëdha dhe me pasoja serioze për sigurinë e qytetarëve. LSDM-ja kërkon që Presidentja Siljanovska menjëherë ta tërheq vendimin skandaloz” .

MARKETING