Mickoski me rastin e 23 Tetorit: Të mos humbim kohë në ndarje, por të krijojmë një shoqëri të mundësive dhe respektit

Kryeministri dhe kryetar i VMRO-DPMNE-së Hristijan Mickoski uron qytetarët për Ditën e Luftës Revolucionare të Maqedonisë. Përmes profilit të tij në Fejsbuk, në të cilin ka postuar urimin, Mickoski thotë që të mos humbim kohë në përçarje dhe çështje që na ndajnë, por të punojmë me përkushtim për një jetë më të mirë dhe për të krijuar një shoqëri të mundësive dhe respektit.

“Filizet e mendimit kombëtar maqedonas të krijuar para periudhës së Ilindenit, veprat dhe idetë e rilindasve, dhe energjia e qytetarisë maqedonas, efektet e kryengritjeve të mëparshme në pjesë të ndryshme të Maqedonisë së atëhershme, kulmuan dhe u përkthyen në lëvizje të Organizatës Revolucionare Maqedonase. Ishte forca e bazuar në idenë e shtetit të saj të pavarur me identitetin dhe dallueshmërinë e vet.

Le të kujtojmë në këtë ditë heronjtë që dhanë jetën për një Maqedoni të lirë, por edhe besëlidhjen që na lidh. Duhet të punojmë për të sjellë një të ardhme, për të rikthyer shtetin, për të mundësuar drejtësi dhe prosperitet ekonomik. Lërini njerëzit të jetojnë më mirë dhe të drejtojnë çdo atom drejt krijimit të një të ardhmeje më të ndritshme që qytetarët e meritojnë. Të mos humbasim kohë për ndarje dhe çështje që na ndajnë, por le të punojmë me përkushtim për një jetë më të mirë, një standard më të lartë dhe të krijojmë një shoqëri mundësish dhe respekti. Dhe kjo është beteja e përbashkët në arritjen e qëllimit”, thotë Mickoski.

MARKETING