MPB apel qytetarëve që te kenë kujdes nga mashtrimet në internet

Ministria e Punëve të Brendshme u bën thirrje qytetarëve që të bëjnë kujdes nga profilet e rrejshme në rrjetet sociale. Siç infromojnë nga MPB, gjatë kësaj periudhe janë shfaqur profile të rreme në rrjetet sociale që paraqiten në emër të Interpolit apo Ministrisë së Punëve të Brendshme apo në emër të kompanive që ofrojnë një lloj ndihme ndërmjetësimi apo edhe kthim të fondeve për personat që humbën fonde në investime të rreme në internet si “Conti” dhe të tjerë si ai.

“Ne si Ministri e Punëve të Brendshme dëshirojmë të informojmë dhe njëkohësisht paralajmërojmë se bëhet fjalë për mashtrime klasike në internet ose të ashtuquajturat mashtrime Fishing, qëllimi i të cilave është mbledhja e të dhënave personale me qëllim të përdorimit të mëtejshëm, ata në vepra penale, si dhe keqpërdorimi i mënyrave të pagesës së tyre me qëllim përfitimin financiar”, thonë më tej nga MPB.

Nga atje apelojnë qytetarët që të mos bien në këtë lloj mashtrimi dhe të kenë shumë kujdes se ku i lënë të dhënat e tyre personale si dhe të dhënat nga kartat e pagesës.

MARKETING