Ukraina godet Moskën në sulmin më të madh me dron deri më tani

Ukraina sulmoi kryeqytetin rus të martën në sulmin më të madh me dron deri më tani, duke vrarë të paktën një person dhe duke shkatërruar dhjetëra shtëpi në rajonin e Moskës, duke detyruar gjithashtu devijimin e rreth 50 fluturimeve nga aeroportet përreth Moskës.

Rusia, fuqia më e madhe bërthamore në botë, tha se kishte shkatërruar të paktën 20 dronë sulmues ukrainas ndërsa ata vërshuan mbi rajonin e Moskës, i cili ka një popullsi prej më shumë se 21 milionë, dhe 124 të tjerë mbi tetë rajone të tjera, ka raportuar Reuters.

Së paku një person u vra pranë Moskës, thanë autoritetet ruse. Tre nga katër aeroportet e Moskës u mbyllën për më shumë se gjashtë orë dhe gati 50 fluturime u devijuan.

Zëdhënësi i Kremlinit, Dmitry Peskov, u tha gazetarëve se sulmi me dron ishte një tjetër kujtesë për natyrën e vërtetë të udhëheqjes politike të Ukrainës, të cilën ai e quajti përbërë nga armiqtë e Rusisë. “Nuk ka asnjë mënyrë që sulmet natën mbi lagjet e banimit të lidhen me veprimet ushtarake,” tha Peskov.

MARKETING