Erdoğan – Rama: Raportet e Turqisë dhe Shqipërisë në një nivel të avancuar

Presidenti turk Recep Tayyip Erdoğan zhvilloi të enjten një bisedë telefonike me kryeministrin shqiptar Edi Rama dhe diskutoi marrëdhëniet dypalëshe dhe çështjet rajonale dhe globale, tha Drejtoria e Komunikimeve të Türkiyes.

Erdoğan tha se marrëdhëniet Türkiye-Shqipëri janë në një nivel të avancuar dhe se bashkëpunimi në industrinë e mbrojtjes do të forcohet më tej përmes kontakteve tregtare, ekonomike dhe ushtarake.

Udhëheqësi turk iu referua përpjekjeve zhgënjyese të Organizatës Terroriste Fetulla (FETO) për të fituar një terren në Shqipëri, duke shprehur besimin se vendi ballkanik do të vazhdojë të punojë drejt eliminimit të strukturës së grupit në sektorët e tij arsimor, shëndetësor dhe fetar.

FETO-ja dhe udhëheqësi i saj me bazë në ShBA, Fethulla Gulen, orkestruan grushtin e shtetit të dështuar të 15 korrikut 2016, në Türkiye, në të cilin 253 persona u vranë dhe 2.734 u plagosën.

Ankaraja gjithashtu akuzon FETO-n se qëndron pas një fushate të gjatë për të përmbysur shtetin përmes infiltrimit në institucionet turke, veçanërisht në ushtri, polici dhe gjyqësor.