Ministri i Jashtëm turk u takua me presidentin egjiptian

Ministri i Jashtëm turk Hakan Fidan u takua sot me presidentin egjiptian Abdel Fattah el-Sisi në El Alamein, në veri të Egjiptit.

Ministria e Jashtme turke konfirmoi takimin në rrjetin social X, por detajet e bisedimeve nuk u bënë të ditura nga asnjëra palë.

Takimi u zhvillua në një kohë kur të dyja vendet po përpiqen të përmirësojnë marrëdhëniet.

Türkiye po punon për të konsoliduar më tej marrëdhëniet me disa vende në rajon, duke përfshirë Egjiptin, si pjesë e një nisme më të gjerë diplomatike.

Vizita e Fidanit në Egjipt, e cila filloi dje me ftesë të ministrit të Jashtëm të Egjiptit, Badr Abdelati, përfshin një vizitë në portin egjiptian të Al-Arish, pikën kufitare Rafah dhe qendrën logjistike egjiptiane të Gjysmëhënës së Kuqe.

Ai u takua gjithashtu me Guvernatorin e Sinait të Veriut – Gjeneralmajor Khaled Megawer dhe Sekretarin e Përgjithshëm të Ligës Arabe, Ahmed Abul Geit.

MARKETING