Rekord emigrantësh në Britani, rreth 900 kalojnë Kanalin Anglez në vetëm një ditë

Gati 900 emigrantë kaluan Kanalin Anglez për të mbërritur në Britani të martën, numri më i lartë që nga fundi i vitit 2022, duke rritur presionin ndaj kryeministrit Rishi Sunak përpara zgjedhjeve të përgjithshme të 4 korrikut.

Në total, numri i emigrantëve të paligjshëm që kanë mbërritur në brigjet britanike nga Franca ka shkuar në 12,313. Kjo është një rritje prej 18% në të njëjtën periudhë të vitit të kaluar, pavarësisht nga ashpërsimi i legjislacionit nga qeveritë konservatore në vitet e fundit.

Emigrantëve që mbërrijnë në Britani tani u ndalohet të aplikojnë për azil atje. Ata janë gjithashtu në rrezik për t’u dëbuar në Ruandë pavarësisht nga vendi i tyre i origjinës, pa mundësinë e kthimit, një masë shumë e diskutueshme e qeverisë që ende nuk është zbatuar.

Konservatorët, të cilët kanë qenë në pushtet për 14 vjet, e kanë bërë luftën kundër imigracionit të paligjshëm një prioritet pas Brexit, por nuk kanë arritur të ndalojnë fluksin e emigrantëve.

MARKETING