(VIDEO) Vajzat e Maqedonisë së Veriut martohen më herët se vajzat e rajonit dhe Europës

Vajzat në Maqedoninë e Veriut martohen në moshë më të re në krahasim me vendet e tjera të rajonit. Mosha mesatare në të cilën femrat e vendit tonë martohen është 26.6 vjet, tregojnë analizat e statistikës së portalit “Landgeist”, të bazuara në të dhënat e Eurostatit.

Vajzat në Malin e Zi martohen në moshën mesatare 27.5 vjeç, në Bullgari 28.3, në Serbi 28.5, në Kroaci dhe Kosovë 28.8 dhe në Greqi 30.9.

EUROSTAT

“Në shumicën e vendeve europiane, femrat martohen për herë të parë mbi moshën 30 vjeç. Dallimi mes Europës Perëndimore dhe asaj Lindore është i dukshëm. Sa më shumë të shkosh në perëndim, aq më e lartë është mosha mesatare. Më të reja martohen ukrainaset në 24.9 vjeç, vajzat në Bjellorusi në 25.1 vjeç dhe në Turqi në 25.22 vjeç”.

Ndërakq, gratë në Suedi, martohen në një moshë mesatare 34.8 vjeç, në Spanjë në 34.7 dhe në Norvegji në 34.1.

Portali vëren se mosha në të cilën gratë martohen nuk do të thotë domosdoshmërish që ato të hyjnë në një lidhje ose të krijojnë familje më vonë. Nëse shihet harta në pjesën e lindjes jashtë martese, duket gjithnjë e më shumë çifte po bëjnë fillimisht fëmijë, ndërsa më pas martohen ose në përgjithësi nuk martohen.

Samir Mustafa /SHENJA/

MARKETING