Mbrëmje fantastike për Uzunin ndaj Barcelonës, asistoi dhe gaboi vetëm 1 pasim
![Mbrëmje fantastike për Uzunin ndaj Barcelonës, asistoi dhe gaboi vetëm 1 pasim](https://shenja.tv/wp-content/uploads/2024/02/uzunii.png)
Myrto Uzuni ishte një nga më të mirët në fushë për Granadën, në barazimin 3-3 që skuadra e tij arriti në transfertë ndaj gjigantëve të Barcelonës Talenti beratas, në minutën e 20-të, tentoi të shënonte një eurogol me roveshatë, por nuk u koordinua siç duhet brenda zonës, ndërkohë që minutën e 60-të dhuroi një asist fantastik për Pelistrin që shënoi golin e dytë.
Uzuni nuk u mjaftua me kaq pasi në minutën e 82-të testoi reflekset e Ter Shtegen me një gjuajtje të befasishme, por gardiani i Barcelonës ia mohoi golin shqiptarit, falë ndërhyrje heroike të bërë, duke e larguar rrezikun në këndore.
Në fund të sfidës, Uzuni u vlerësua me notën 7 nga faqja e specializuar e statistikave “Sofa Score”. Një fakt interesant është se sulmuesi i Kombëtares shqiptare gaboi vetëm 1 pasim nga 10 që kreu në total. /panoramasport/