Çikalleshi vendimtar në fitoren e Konyasporit

Sulmuesi i Shqipërisë, Sokol Çikalleshi ia ka siguruar fitoren skuadrës së Konyasporit. Çikalleshi shënoi dy gola të dielën, në ndeshjen që i takoi javës së 18-të të Superligës së Turqisë. Konyaspori mposhti Kayserisporin me rezultatin 2:0.

Të dy golat sulmuesi shtatlartë i shënoi nga penalltia në pjesën e dytë. Golin e parë e shënoi në mintën e 50-të, kurse të dytin në minutën e 63-të.

33-vjeçari ka shënuar tetë gola në 14 ndeshje, ndërsa ka edhe dy asistime. Konyaspori ka fituar 18 pikë nga 17 ndeshje, kurse Kayserispori i ka 29 pikë.

MARKETING