Politico: BE do të propozojë një fond prej 20 miliardë eurosh për ushtrinë e Ukrainës

Bashkimi Evropian do të propozojë një fond të dedikuar për të ruajtur rezervat ushtarake të Ukrainës për katët vitet e ardhshme, me një kosto deri në 20 miliardë euro. Kështu raporton Politico, duke cituar pesë burime të ndryshme diplomatike të njohura me planin që do të propozojë unioni evropian.

Propozimi është pjesë e garancive të sigurisë të rënë dakord me G7 dhe nuk parashikon që BE të paguajë drejtpërdrejt për armët e Ukrainës. Në vend të kësaj, Brukseli do t’i ndihmonte vendet të mbulonin kostot e tyre për blerjen dhe dhurimin e artikujve të tillë si municione, raketa dhe tanke.

Është një qasje që BE-ja miratoi menjëherë pasi Rusia pushtoi Ukrainën. Propozimi i dedikuar për fondin ushtarak është pjesë e përpjekjeve më të gjera të BE-së për të treguar angazhimin e saj afatgjatë ndaj Ukrainës.

Krahu diplomatik i BE-së, Shërbimi Evropian i Veprimit të Jashtëm, ka hartuar gjithashtu një plan që sugjeron një sërë angazhimesh sigurie që BE mund të bëjë ndaj Ukrainës në vitet e ardhshme.

MARKETING