Macron udhëzon qeverinë për rivendosjen e rendit në vend

Presidenti i Francës, Emmanuel Macron, i ka dhënë udhëzim qeverisë që të bëjë gjithçka për të rivendosur rendin në vend, transmeton Anadolu.

Të rinjtë zbresin çdo natë nëpër rrugë duke reaguar për vrasjen e 17-vjeçarit Nael M nga policia në qytetin Nanterre.

Sipas lajmeve në mediat franceze, presidenti Macron për të diskutuar mbi situatën në vend u takua në pallatin Elysee me kryeministren Elisabeth Borne, ministrin e Brendshëm, Gerald Darmanin dhe ministra të tjerë.

Në takim Macron u ka dhënë ministrave udhëzim që të bëjnë gjithçka për rivendosjen e qetësisë dhe rendit në vend si dhe u ka kërkuar që të fillojnë një punim afatgjatë për të kuptuar se çfarë po ndodh në Francë.

Macron do të takohet sot në pallatin Elysee me Presidenten e Asamblesë Kombëtare, Yael Braun-Pivet dhe Presidentin e Senatit, Gerard Larcher, ndërsa më 4 korrik me kryetarët e 220 bashkive të janë prekur nga protestat.

– Në Marseille janë vendosur automjetet e blinduara

Forcat e rendit kanë vendosur automjetet e blinduara në qendrën e qytetit Marseille kundër mundësisë për rindezjen e protestave.

Po ashtu ekipet speciale të policisë janë në shërbim mbrëmjen e sotme në qytetin Lyon ku protestat kanë kaluar të tensionuara në netët e mëparshme.

– Në rrugë kanë zbritur të djathtët ekstremë

Sipas pamjeve të pasqyruara në median sociale, një grup protestuesish të ekstremit të djathtë kanë brohoritur në rrugët e Lyonit me sloganet “Franca i përket francezëve”.

MARKETING