(VIDEO) Përmbyten dhjetë objekte pas vërshimeve në Kavadar

Shira të rrëmbyeshëm dhe stuhi të forta kanë goditur mbrëmë qytetin e Kavadarit dhe rrethinën. Për një kohë të shkurtër, disa rrugë të qytetit u kthyen në lumenj të furishëm që mbanin gurë, dru dhe lloj-lloj mbeturinash. Janë përmbytur 10 objekte kryesisht bodrume të shtëpive dhe ndërtesave. Kryetari i komunës, Mitko Jançev, ka njoftuar se ekipet komunale kanë dalë në terren për të pastruar pasojat e stuhisë.

MITKO JANÇEV, KRYETARI I KOMUNËS SË KAVADARIT

“Shërbimet e N.P. Komuna e Kavadarit, përkundër stuhive intensive të shiut që ka goditur Kavadarin, po punojnë për pastrimin e rrugës në Katunishtë, Boshaviatë, Mokshtë, Glishiq dhe shumë lokacione të tjera në Tikveshijë ku ka rrezik për rrëshqitje të dheut”.

Nga Ndërrmarja Publike “Komunalja” informojë se kryesisht janë vërshuar bodrume të shtëpive dhe banesave. “Nga mbrëmë ekipet e NP “Komunalja” kanë dalë me mekanizimin, gjegjësisht dy kamionë, tre traktorë dhe 20 punëtorë, po pastrojnë lumin dhe rrugët nga balta”, informojnë nga Ndërrmarja Publike “Komunalja” për Agjencinë e lajmeve MIA.

Mot të lig dje ka pasur në Prilep dhe Lubanisht.

Medina Ajeti /SHENJA/

MARKETING