Çfarë duhet bërë për të ngritur standardin jetësor të qytetarëve? Ja përgjigja e ministrit Bekteshi!

I pyetur nëse kanë ide të qartë dhe se çfarë duhet të bëj Maqedonia e Veriut për të rritur standardin ekonomik, ministri i ekonomisë Kreshnik Bekteshi në emisionin “Intervistë në SHENJA”, tha se në momentin që të fillohen negociatat me BE-në, rritet standardi, vendoset rregullativa e tyre, sundimi i ligjit, zvogëlohet korrupsioni në vendin tonë, dhe në atë mënyrë tha ministri, se do të rritet edhe standardi ekonomik.

“Vërehet që për interesa të politikës ditore bllokohen edhe ligje të cilat janë drejtpërdrejta në interes të qytetarëve vetëm e vetëm që partia në pushtet, nuk flas vetëm për BDI-në, por edhe për partitë e tjera të mos marrin pikë politike, edhe pse nuk kemi patur zgjedhje, mendoj që ka të bëj edhe me mentalitetin e të bërit politik. Jemi dëshmitar që parti politike integrimin në BE as nuk e kanë as agjendë të tyre”, u shpreh ministri Bekteshi.

MARKETING