Zelenskyy: Ukraina do të përshpejtojë zhvillimin e raketave vendase

Presidenti ukrainas Volodymyr Zelenskyy njoftoi sot se Ukraina do të përshpejtojë zhvillimin e programit të saj të raketave balistike, duke i quajtur armët me rreze të gjatë veprimi “një garanci të qartë dhe efektive të sigurisë”, transmeton Anadolu.

Në një deklaratë në Telegram, Zelenskyy tha se “detyra është të përshpejtohet krijimi i balistikës ukrainase sa më shumë që të jetë e mundur”.

Ai shtoi se Komandanti i Përgjithshëm Oleksandr Syrskyi ka dhënë disa informime gjatë ditës, me fokus në kushtet e vijës së frontit në rajonin e Donetskut, veçanërisht pranë Pokrovskut, si dhe operacionet në rajonet Kursk dhe Belgorod të Rusisë.

“Rusia vazhdon të refuzojë një armëpushim të plotë dhe afatgjatë – të gjithë partnerët janë tashmë të lodhur nga këto manipulime ruse”, shtoi ai.

MARKETING